من قصص الصالحين من الطرائف الشهيرة

من قصص الصالحين من الطرائف الشهيرة
ماحدث بين الشيخ الشعراوي
والأسطي عبد العظيم خنفس ترزي قرية دقادوس
بالدقهلية "مسقط رأسه" حيث أعطاه الشيخ (6)
قطع قماش ليفصل منها (6) جلابيب له.
وبعد الانتهاء من عملية التفصيل حضر الأسطي عبد العظيم
وألبس الشيخ إحداها من باب الاطمئنان وكانت المفاجأة.
الجلبات قصير للغاية بحيث تنتهي أطرافه عند منتصف
المسافة بين ركبة الشيخ وقدمه وتكرر نفس المشهد
في باقي الجلابيب فإذا كلها فيها نفس العيب،
فصاح الشيخ منفعلا: ـ إيه ده ياعبد العظيم.؟
رد الرجل بسرعة بديهة وقد تيقظت حواسه متجاوزا
صدمة المفاجأة ـ إيه فيه إيه يامولانا.؟
أردف الشيخ:
ـ فيه إيه ؟!. إيه انت مش شايف الهدوم كلها قصيرة إزاي؟!
ـ إهدا يا مولانا بس .وصمت لحظة واضاف: اقعد. اقعد يامولانا.
جلس الشيخ علي كرسيه، وأخذ الترزي يصلح هندامه ويجذب
الجلباب إلي أسفل حتي غطي قدم الشيخ وهنا صاح مبتسما:
ـ إيه رأيك يامولانا. والتفت إلي الحاضرين يستحثهم ليساندوه قائلا:
مش بالذمة كده عظمة؟
فلاحقه الشيخ:
- عظمة إيه يابني. وبعدين لما أقف يبقي الوضع إيه؟!
- ومين قالك تقوم تقف. الهدوم ديه بتاعة القعاد.
ضحك الشيخ من أعماقه وقد اعجبته تلك القفشة الحاضرة
من جانب الأسطي عبد العظيم والتي تحمل مزيجا مصريا
من الفهلوة وخفة الدم وسرعة البديهة.
وقال له:
خذ هذه الجلابيب واعطها لمن يحتاجها وتقدر تضبطها علي مقاسه.

رحــم الله شـيـخـنـا الـجـلـيـل

» من اقوال هتلر الشهيرة
» اليكم هذه الطرائف الجميلة.......
» اليكم هذه الطرائف الجميلة.......
» طرائف الشيخ عبدالحميد كشك (رحمه الله) الشهيرة
» من كتاب رياض الصالحين التحذير من إيذاء الصالحين والضعفة والمساكين