تخيلوا لو اثنين سمعهم ثـقيل أتكلموا مع بعض!! . وش اللي ممكن يصير؟ تعالوا نشوف اثنين منهم واقفين على محطة الأتوبيس ودار بينهم هذا الحوار :
الأول : الأتوبيس ده بيروح مــصر الجديدة؟
الثاني : على الحديدة !!... ليه أنت طالب إحسان
الأول : بذرة الكتان !! لا ..دي تلاقيها عند العطار
الثاني : جزار!! آه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر
الثاني : رأس البر !!! ..ده مــصيف هادي
الأول .: عايز تركب للمعادي... دي منطقة جميلة
الثاني : بليلة !! إنت شكلك كده جعان
الأول : عيان!!! أي والله .انت باين عليك عيان ..طيب ما تروح للدكتور
الثاني: الحنطور!! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ينهار اسود . ده مرض خطير
الأول : لا والله مش عايز. وبعدين مش بأحب الفطير. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت .!؟
الثاني : لا والله ..ممعاييش.. انت عايز الكبريت ليه . عايز تولع؟
الأول : أدلع ! أدلع عليك انت!؟ انت ما تملاش عنيا
الثاني :يقبضوا عليا !! ليه !؟
الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش
الثاني : خيش!! والله ده صوف انجليزي
الأول: بنتك زيزي!!! ربنا يخلي... 0
الثاني : أنتاج محلي .!!!! ده مستورد
يمر شاويش من بتوعنا ... يلفت انتباه الحوار، : بتعمل ايه يا جدع منك له!!! 0
الاثنين: ايوة يا شاويش ...احنا مستنين الأتوبيس
الشاويش :! نهاركم مش فايت .... جواسيس !!! قدامي على القسم
موضوع: تخيلوا لو اثنين سمعهم ثقيل أتكلموا مع بعض!!!وش اللي ممكن يصير؟